Ég starfaði sem vörumerkjastjóri hjá Solid Clouds hf. frá apríl til nóvember 2021, og sinnti meðal annars öllu markaðsstarfi og almannatengslum í kringum hlutafjárútboð félagsins sumarið 2021.

Að auki hef ég komið að uppbyggingu vörumerkja á borð við El Grillo og Free Walking Tour Reykjavík.

Ég stofnaði fyrirtækið Follow Me ehf., sem sér um Free Walking Tour Reykjavík ásamt fleiri skemmtunum fyrir ferðamenn, og hef verið framkvæmda- og markaðsstjóri þar síðan 2018. 

Að auki rek ég lítið útgáfufélag og á þriðjung í bjórgerðinni El Grillo, og hef séð um markaðsstörf fyrir þau félög.

Auk almannatengsla fyrir mig og minn rekstur stóð ég fyrir mikilli almannatengslaherferð í kringum hlutafjárútboð Solid Clouds hf., þegar félagið var skráð á markað sumarið 2021.

Ég var yfir almannatengslum og markaðsstarfi hjá Allir lesa, lestrarátaki á vegum Reykjavíkur bókmenntaborgar UNESCO.

Minn starfsferill hófst hjá auglýsingastofunni Ennemm sem hugmynda- og textamaður, og þótt ég hafi staldrað stutt við þar hef ég verið viðloðandi textasmíð æ síðan.

Ég hef sérhæft mig að miklu leyti í efnismarkaðssetningu (e. content marketing) og hef náð talsverðum árangri þar, með bloggskrifum, hlaðvörpum og almannatengslum.

Auk þess að vera vörumerkjastjóri hjá Solid Clouds var ég líka yfir svokölluðu „lore“ teymi, sem sá um öll skapandi skrif inn í leikjaheiminn. Við skrifuðum handrit að leiknum sem verið var að gera, auk þess að skrifa smásögur, búa til fyrirbæri í leikjaheiminum og margt fleira.

Efnismarkaðssetning (e. content marketing) er mínar ær og kýr, og ég hef trú á að það sé það sem virkar best í markaðsstarfi í dag. 

Ég hef haldið úti bloggsíðum og hlaðvörpum til stuðnings mínum rekstri, og hef náð góðum árangri á því sviði.

Ég hélt úti þáttaröðinni Tímaflakki, leiknum gamanþáttum á Rás 2 á árunum 2006-2007. Þeir voru síðar endurvaktir í hlaðvarpsformi.

Ég gaf út skáldsöguna Ósagt árið 2007.

Ég hef skrifað útvarpspistla og greinar í tímarit, bæði íslensk og erlend.

Ég hef þýtt sjónvarpsefni og kvikmyndir í bráðum 20 ár, m.a. fyrir Skjáeinn/Sjónvarp Símans og ViaPlay.

Ég hef þýtt leikrit á borð við 39 þrep og Svörtu kómedíuna.

Ég var einn þýðenda Stórhættulegu strákabókarinnar.

Ég hef þýtt teiknimyndir fyrir talsetningu, þ.á.m. Möttu og ósýnilegu vinina.

Ég hef samið og flutt tónlist í ótal leiksýningum. Meðal annars:

Ubbi kóngur, Leikfélag Hafnarfjarðar

Góði dátinn Svejk og Hasek vinur hans, Gaflaraleikhúsið

Í skugga Sveins, Gaflaraleikhúsið (Grímuverðlaun sem Barnasýning ársins)

Gosi, Borgarleikhúsið (Grímuverðlaun sem Barnasýning ársins)

Fíflið, Tjarnarbíó (væntanleg haustið 2022)

Ég hef gefið út plötur með frumsaminni tónlist.

Misery Loves Company, 2007

A Bottle Full of Dreams, 2018

Má bjóða þér minna?, 2022

Ég kenni námskeið í lagasmíðum á vefsíðunni Strongwriting.net

Ég er í stjórn tónlistarhátíðarinnar Melodica Hafnarfjörður, sem hlaut styrk frá Hafnarfjarðarbæ 2020.

Ég er með MA próf í leikstjórn frá East 15 leiklistarskólanum í London og hef leikstýrt sýningum á borð við Blúndur og blásýru hjá FAS og Leikfélagi Hornafjarðar og Sweeney Todd hjá Leikfélagi Hólmavíkur.

Að auki hef ég leikstýrt örverkum og þjálfað leikara fyrir inntökupróf í leiklistarskóla.

Ég hef leikið í ótal sýningum og sjónvarpsþáttum, þar á meðal Gosa, Góða dátanum Svejk og Í skugga Sveins.

Ég hef samið tónlist og verið tónlistarstjóri í ótal leiksýningum.